O servizo do matadoiro móbil facilita o sacrificio de gando ovino, cabrún e porcino, naquelas zonas máis afastadas dos centros convencionais de sacrificio dos animais. Incrementa a rendibilidade das explotacións, ao reducir os custes de transporte do gando, e mellora o benestar dos animais, ao diminuír o estrés que estes sofren durante o transporte, o que redunda nunha maior calidade da carne. Ademais, contribúe a mellorar os servizos das zonas rurais, favorecendo o mantemento de explotacións gandeiras que utilizan sistemas produtivos tradicionais e extensivos, aspectos ligados á conservación medioambiental.
Como se solicita o servizo
Os gandeiros poden solicitar o servizo do matadoiro móbil chamando ao teléfono de contacto, con ao menos dous días hábiles de antelación á data do sacrificio.
Que información hai que facilitar
- Datos da explotación (titular, REGA, etc.)
- Especie e número de animais a sacrificar
- Identificación individual dos animais e datos dos mesmos (idade, peso, …)
- Data na que se desexa efectuar o sacrificio.
- Destino das canais
- Propia explotación (autoconsumo)
- Recollida no matadoiro por un operador con vehículo autorizado
- Traslado a cámara frigorífica do matadoiro ou da base operativa para posterior comercialización
Como se organizan as rutas
Segundo a demanda das persoas gandeiras, organizando as visitas ás explotacións en función da súa proximidade, procurando optimizar este recurso. Concertarase con cada titular o día e a hora do sacrificio, desprazándose o matadoiro móbil ata a propia explotación, se é posible, ou ata o lugar próximo máis accesible, en función das características das vías de comunicación.
Pago dos prezo do servizo
Os usuarios deberán pagar previamente os prezos establecidos do servizo a través de ATRIGA: https://ovt.atriga.gal
Teléfono de contacto
Para máis información e solicitudes de servizo pode contactar co 982 251 201, de luns a venres de 9:00 a 14:00.
Tamén pode solicitar o servizo cubrindo esta: