Boletín
A subscrición ao servizo de avisos é unha ferramenta para recibir de forma automática as novidades en materia de eventos, congresos, seminarios, actos e demais información de interese en materia de axenda forestal dentro do contexto internacional
Mediante o sistema de subscripción vostede estará ao tanto das novidades que se produzan en temas de actualidade forestal.
Información xeral
Neste apartado atopará información sobre eventos, congresos, seminarios, actos e demais información de interese en materia de axenda forestal dentro do contexto internacional. Quérese ofrecer un servizo ás asociacións e entidades que compoñen o sector forestal de Galicia, e de forma xeral, á sociedade galega, á fin de que coñeza os temas e noticias de interese forestal que estanse a desenvolver no mundo e particularmente en Europa.
pestana1
Bonn, Alemaña
Evento híbrido
A xuntanza internacional de política forestal (IFPM) é un evento bianual que reúne estudantes e doutorandos que traballan en asuntos relacionados coa política forestal. Está organizado pola Unidade de Gobernanza do EFI xunto coa Rede de Investigación de Política Forestal coordinada pola Universidade de Ciencias da Vida de Viena (BoKu). Esta edición céntrase nas interfaces política-ciencia e ciencia-comunicación.
Máis información aquí.
Nicosia, Chipre
O programa do taller cubrirá a comunicación da investigación relacionada co risco a unha variedade de audiencias, incluídos os medios de comunicación, como parte dunha sólida estratexia de comunicación. Reflexionarase sobre como manexar os conflitos e controversias na comunicación. Cada participante recibirá apoio e feedback personalizado sobre a comunicación da súa propia investigación.
Máis información aquí.
Luso & Mata do Bussaco, Portugal
Desde a innovación, a saúde e o benestar, o IV Congreso é unha oportunidade para aprender da man de recoñecidos investigadores e profesionais en campos multidisciplinarios sobre as bases científicas da Terapia de Bosque e a súa aplicación práctica nos sistemas de saúde e o turismo.
Máis información aquí.
online
Esta edición do ThinkForest, foro de ciencia e política de alto nivel, versará sobre as oportunidades e barreiras para a implementación dunha xestión forestal máis próxima á natureza.
Máis información aquí.
online
Os MedForums son eventos que permiten á Rede de Bosques Modelo do Mediterráneo reunirse, intercambiar experiencias e planificar xuntos o futuro da rede. O tema do evento deste ano será ‘Como os Bosques Modelo poden contribuír ao desenvolvemento do espírito empresarial xuvenil baseado en SbN’.
Máis información aquí.
pestana2
Celebrada por primeira vez no 2008, a Semana Forestal Europea proporciona unha oportunidade única de aumentar a visibilidade do sector forestal e para influír as discusións globais e pan-europeas. A semana está organizada pola FAO e a Comisión Económica para Europa das Nacións Unidas (UNECE).
Este ano, a Semana Forestal Europea será celebrada conxuntamente con Foresta2021, a Sesión Conxunta do Comité de UNECE en Bosques e a Industria Forestal (COFFI), e a Comisión Forestal Europea da FAO (EFC).
A Semana Forestal Europa invita a organizar eventos nos países para aumentar a concienciación sobre os bosques, a través de concursos, exposicións, festival de películas, charlas e vídeos. O evento pode anunciarse a través da web da Semana Forestal Europea.
Máis información aquí.
en liña
O evento interactivo centrarase na contribución das PEMES e industrias cara á bioeconomía. Discutiranse os beneficios de mellorar e reestruturar os marcos de datos e modelización relacionados coa bioeconomía. Compartiranse experiencias de informes de datos de bioproductos (NOVA, TNO e Imperial College London). Falarase de codificación e información de produtos biobaseados e sobre as novas directrices e políticas que afectan á importación e exportación de bioprodutos.
Máis información aquí.
A pandemia da COVID-19 e os prezos en aumento da enerxía recalcan a necesidade de Europa de aumentar a súa resiliencia para afrontar as interrupcións na cadea de subministro e traballar na súa autonomía estratéxica reducindo a dependencia de tecnoloxías estratéxicas de solucións de fora de Europa. Este taller proporcionará ideas sobre como a compra innovadora pode fortalecer a autonomía estratéxica e a resiliencia de Europa. Amosaranse iniciativas políticas vixentes, posibilidades legais e experiencia de varios casos de estudio.
Máis información aquí.
Recentemente, houbo un aumento da demanda de diversos servizos ecosistémicos forestais culturais como saúde, recuperación, turismo, actividades de ocio e outros.
Especialmente a pandemia global mostrou que os bosques peri-urbanos proporcionan unha función vital de apoio á saúde humana. Tomando isto en consideración, o foco do simposio pousará na importancia dos FES culturais como unha nova posibilidade de innovación empresarial. Tamén se discutirá sobre a contribución desas innovacións aos ODSs.
Sesión 1: Oferta, demanda e política de servizos ecosistémicos culturais
Key Note: Servizos ecosistémicos culturais en Europa, a cargo de Prof. Tobias Plieninger, Universidade de Kassel e Gotinga.
Sesión 2: Novas oportunidades de negocio e casos de estudio
Key Note: Retos no márketing e pago por servizos ecosistémicos culturais en Europa, a cargo de Prof. Davide Pettenella, TESAF, University of Padua.
Máis información aquí.
en liña
Fernando Valladares axudará a entender as repercusións dos acordos que se alcanzaron na COP26.
Máis información aquí. A gravación estará dispoñible en Youtube